Enter your keyword

ការិយាល័យនាយកសាខា

លោក ឡុង ពិសី ជានាយកសាខាមជ្ឈមណ្ឌលភាសា អេ អាយ អាយ សាខាម៉ៅសេទុង។

លោក ឡុង ពិសី ជាបុគ្គលិកជាន់ខ្ពស់ម្នាក់ក្នុងគណៈគ្រប់គ្រងជាន់ខ្ពស់របស់ ម៉េងលី ជេ. គួច អេឌ្យូខេសិន (MJQEducation) ហើយបច្ចុប្បន្នលោកកំពុងកាន់តំណែងជានាយកសាខានៃមជ្ឈមណ្ឌលភាសាអេ អាយ អាយ សាខាម៉ៅសេទុង។ ជាមួយនឹងមុខតំណែងនេះ លោកទទួលបន្ទុកត្រួតពិនិត្យប្រតិបត្តិការទូទៅរបស់សាលាទាំងមូល ទាំងផ្នែកសិក្សា និងផ្នែកក្រៅការសិក្សា។

លោក ឡុង ពិសី បានចូលបម្រើការងារជាមួយ ម៉េងលី ជេ. គួច អេឌ្យូខេសិន (MJQEducation) ក្នុងឆ្នាំ២០០៦។ លោកត្រូវបានជ្រើសរើសជាគ្រូបង្រៀនភាសាអង់គ្លេសក្រៅម៉ោងនៅឆ្នាំ២០០៦។ ដោយសារការយកចិត្តទុកដាក់ និងការអនុវត្តការបង្រៀនដ៏ឆ្នើម អស់រយៈពេលជិត ៥ ឆ្នាំ លោក ឡុង ពិសី ត្រូវបានតំឡើងឋានៈពីគ្រូបង្រៀនក្រៅម៉ោង និងពេញម៉ោង ទៅជាប្រធានគ្រូនៅឆ្នាំ២០១០។ ក្រៅពីតួនាទីជាប្រធានគ្រូ លោកក៏ត្រូវបានតែងតាំងជានាយកភាសាអង់គ្លេសនៅសាលា អន្តរទ្វីប អាមេរិកាំង ក្នុងឆ្នាំ២០១៣។ នៅឆ្នាំ២០១៦ លោកទទួលបានការតំឡើងឋានៈមួយទៀតជាអនុប្រធានអធិការបតីVice Chancellor និង ក្រុមប្រឹក្សាអ្នកសង្កេតការណ៍ Board of Observer។ ជាចុងក្រោយ លោកត្រូវបានតំឡើងឋានៈជានាយកសាខា និងជាសមាជិកគណៈកម្មាការ កម្មវិធីសិក្សា ដឹកនាំនៃសន្និសីទ CamTESOL ប្រចាំឆ្នាំ Steering Committee Member of the Annual CamTESOL Conference ។

លោក ឡុង ពិសី បានទទួលបរិញ្ញាបត្រអប់រំផ្នែកបង្រៀនភាសាអង់គ្លេសជាភាសាបរទេស ពីសាកលវិទ្យាល័យបៀលប្រាយ។